मुंबई, 5 मे 2025: महाराष्ट्र राज्य माध्यमिक आणि उच्च माध्यमिक शिक्षण मंडळाने आज बारावीचा (HSC) निकाल जाहीर केला. निकालाची घोषणा बोर्डाने आयोजित केलेल्या पत्रकार परिषदेमध्ये केली. यंदाचा निकाल संपूर्ण राज्यासाठी समाधानकारक असून एकूण उत्तीर्ण टक्का 91.80% इतका नोंदवला गेला आहे.

बोर्डाकडून दिलेल्या माहितीनुसार, निकाल दुपारी १ वाजल्यापासून विद्यार्थ्यांना अधिकृत वेबसाईटवर (mahresult.nic.in, hscresult.mkcl.org, msbshse.co.in) पाहता येणार आहे.

संपूर्ण राज्यात कोकण विभागाने सर्वोच्च यश प्राप्त करत 96.74% चा उत्तीर्ण टक्का नोंदवला आहे. कोल्हापूर, मुंबई आणि संभाजीनगर हे विभागही उत्तम निकालाने पुढे आहेत. दुसरीकडे, लातूर विभागाने सर्वात कमी उत्तीर्ण टक्का नोंदवला असून तो 89.46% इतका आहे.

•कोकण – 96.74%

•कोल्हापूर – 93.64%

•मुंबई – 92.93%

•संभाजीनगर – 92.24%

•अमरावती – 91.43%

•पुणे – 91.32%

•नाशिक – 91.31%

•नागपूर – 90.52%

•लातूर – 89.46%

विद्यार्थ्यांनी वेबसाईटवर निकाल पाहण्यासाठी आपला रोल नंबर आणि आईचे नाव (Mother’s Name) अचूकपणे टाकणे आवश्यक आहे. यंदा देखील निकाल वेबसाईटवरील लोडमुळे काही वेळासाठी अडथळे येऊ शकतात, त्यामुळे विद्यार्थ्यांनी संयम बाळगावा, असे आवाहन बोर्डाकडून करण्यात आले आहे.

•mahresult.nic.in

•hscresult.mkcl.org

•msbshse.co.in

राज्याच्या सर्व विभागांमध्ये यंदाचा निकाल अपेक्षेपेक्षा चांगला असून, अनेक विद्यार्थ्यांनी उत्तम कामगिरी केली आहे. काही विभागांनी मागील वर्षाच्या तुलनेत अधिक प्रगती नोंदवली आहे. शिक्षण विभागाचे अधिकारी, शिक्षकवर्ग आणि विद्यार्थ्यांचे यासाठी विशेष कौतुक होत आहे.