Priyanka Shinde
अमेरिकेने भारतावर लादलेल्या व्यापारी करात अलीकडेच थोडीशी कपात केली आहे. अमेरिकेचे माजी राष्ट्राध्यक्ष डोनाल्ड ट्रम्प यांनी जगभरातील अनेक देशांवर आयात शुल्क लादल्याची घोषणा केली होती. भारतासाठी हे शुल्क २७ टक्के जाहीर करण्यात आलं होतं. मात्र, व्हाईट हाऊसच्या अधिकृत यादीनुसार हे शुल्क प्रत्यक्षात २६ टक्के आहे. त्यामुळे ट्रम्प यांच्या घोषणांमध्ये आणि प्रत्यक्षात अंमलात आलेल्या दरांमध्ये गोंधळ निर्माण झाल्याचं स्पष्ट झालं आहे.
व्हाईट हाऊस आणि ट्रम्प यांच्या यादीत तफावत
ब्लूमबर्गच्या अहवालानुसार, ट्रम्प यांनी “लिबरेशन डे” टॅरिफ जाहीर करताना दिलेल्या चार्टमध्ये आणि व्हाईट हाऊसने नंतर प्रसिद्ध केलेल्या यादीत १ टक्क्याचा फरक आहे. कमीतकमी १४ देशांच्या करदरात अशीच विसंगती आढळली आहे. काही उदाहरणांमध्ये दक्षिण कोरियासाठी आधी २५% सांगितलं गेलं, पण यादीत २६% दिसलं, आणि नंतर पुन्हा २५% लागू करण्यात आलं.
भारतावर किती कर लागू?
भारतावर सुरुवातीला जाहीर केल्याप्रमाणे २७% नव्हे, तर २६% आयात शुल्क लागू करण्यात आलं आहे. हा दर अजूनही इतर अनेक देशांच्या तुलनेत अधिक आहे.
काही देश वगळले गेले
व्हाईट हाऊसच्या अधिकाऱ्याने स्पष्ट केलं की, प्रसिद्ध यादीत दर्शवलेले दर हेच प्रत्यक्षात लागू होणारे आहेत. काही देशांना या टॅरिफ यादीतून वगळण्यात आलं आहे, त्यामध्ये मॉरिशस, रियुनियन बेट, कॅनडाजवळील फ्रेंच बेटं, आणि नॉरफोक आयलंड यांचा समावेश आहे. फ्रान्ससारख्या युरोपियन युनियन सदस्य देशांवर २०%, तर ऑस्ट्रेलियावर १०% दर आकारला जातो.
