Pankaj Helode
महाराष्ट्र विधानसभा निवडणुकीच्या तोंडावर राजकीय वातावरण तापले असून, नेतेमंडळींमधील आरोप-प्रत्यारोपांना जोर चढू लागला आहे. भायखळा लोकसभा मतदारसंघाचे खासदार अरविंद सावंत यांनी शिवसेना (एकनाथ शिंदे गट) उमेदवार शायना एन. सी. यांच्याबद्दल अपशब्द वापरल्याने वाद निर्माण झाला आहे. सावंत यांच्या “इम्पोर्टेड आणि ओरिजनल माल” या विधानावरून शायना एन. सी. यांनी जोरदार प्रत्युत्तर दिले आहे.
अरविंद सावंत यांचं शायना एन. सी. यांच्यावर वक्तव्य
मुंबादेवी मतदारसंघातून काँग्रेसचे उमेदवार अमिन पटेल यांच्या प्रचारासाठी २९ ऑक्टोबर रोजी अरविंद सावंत गेले होते. शायना एन. सी. यांच्या उमेदवारीबाबत वक्तव्य करताना त्यांनी, “त्या आयुष्यभर भाजपात राहिल्या आणि आता शिवसेना (शिंदे गट) पक्षात आल्या. पण इथे इम्पोर्टेड चालत नाही; आमच्या इथे ओरिजनल माल चालतो,” असे विधान केले.
#WATCH | Mumbai | Shiv Sena (UBT) leader Arvind Sawant says, “Today, from Gandhi ji to Shivaji, everyone has come together here…They (BJP) are still playing with the Constitution. Maharashtra is being looted today…Amin Patel will win with even greater numbers than before…” pic.twitter.com/2URhpPOhAU
— ANI (@ANI) October 29, 2024
शायना एन. सी. यांचे प्रत्युत्तर
सावंत यांच्या विधानावर प्रतिक्रिया देताना शायना एन. सी. यांनी महाराष्ट्र नवनिर्माण सेनेचे अध्यक्ष राज ठाकरे यांची भेट घेतली आणि माध्यमांसमोर संताप व्यक्त केला. “महिला हूँ, माल नहीं” अशी खोचक टिप्पणी करत त्यांनी सावंत यांच्यावर टीका केली. त्या म्हणाल्या, “मुंबादेवीच्या महिलांना ‘माल’ म्हणणे हे अत्यंत असंवेदनशील आहे. २०१४ आणि २०१९ मध्ये आम्ही त्यांच्यासाठी प्रचार केला होता, परंतु आज त्यांच्या मानसिकतेचे दर्शन घडत आहे. मतदार त्यांना याचा नक्कीच जाब विचारतील.”
VIDEO | Maharashtra elections 2024: “This is the same Arvind Sawant for whom we had campaigned in 2014 and 2019. Look at his thinking when he calls a woman ‘maal’ (item). I would like to tell him that this same voter will make him ‘behaal’ in the elections,” says Shiv Sena… pic.twitter.com/teVW2zPCro
— Press Trust of India (@PTI_News) November 1, 2024
कायदेशीर कारवाईचा विचार
शायना एन. सी. यांनी सावंत यांच्या विधानाचा निषेध करताना सांगितले की, “मी कायदेशीर पाऊल उचलू किंवा नाही, पण एका महिलेला माल म्हणणाऱ्यांना जनता नक्कीच उत्तर देईल.” त्यांनी महिला अस्मितेवर आघात करणाऱ्या विधानांविरोधात लोकांच्या भावनांना चालना देत, “महिला हूँ, माल नहीं” असा हॅशटॅग वापरला आहे.
मुंबादेवी मतदारसंघातील निवडणुकीत रंगत
मुंबादेवी विधानसभा मतदारसंघात आता शिवसेना (शिंदे गट) आणि काँग्रेस यांच्यातील लढत अधिक चुरशीची बनली आहे. शायना एन. सी. यांना उमेदवारी देण्यात आल्याने भाजपातून शिंदे गटात प्रवेश करणाऱ्या शायना एन. सी. यांच्यासाठी ही निवडणूक प्रतिष्ठेची बनली आहे.
