Priyanka Shinde
आजच्या धावपळीच्या युगात फास्ट फूड आणि स्ट्रीट फूडचा ट्रेंड झपाट्याने वाढतो आहे. पारंपरिक रेस्टॉरंट्सच्या तुलनेत कमी खर्चात आणि कमी जागेत फूड वॅनचा व्यवसाय सुरू करून चांगला नफा कमावता येतो. त्यामुळे अनेक तरुण आणि नवउद्योजक या व्यवसायाकडे वळताना दिसत आहेत.
जर तुमच्याकडे स्वतःची गाडी असेल आणि खाद्य व्यवसाय सुरू करण्याची इच्छा असेल, तर फूड वॅन हा एक उत्तम पर्याय ठरू शकतो. मात्र, व्यवसाय सुरू करण्याआधी काही महत्त्वाच्या कायदेशीर गोष्टींची पूर्तता करणे आवश्यक आहे.
फूड वॅनसाठी आवश्यक परवाने आणि लायसन्स
- FSSAI लायसन्स (Food Safety and Standards Authority of India):
हा लायसन्स मिळवणं कायदेशीरदृष्ट्या बंधनकारक आहे.
👉 अर्ज करण्यासाठी अधिकृत वेबसाईट: [https://foscos.fssai.gov.in/](https://foscos.fssai.gov.in/)
👉 लायसन्सची वैधता: 1 ते 5 वर्षे
👉 शुल्क: ₹100 ते ₹7500 (व्यवसायाच्या स्केलनुसार)
- ट्रेड लायसन्स:
स्थानिक नगर परिषद, महापालिका किंवा ग्रामपंचायतीकडून घ्यावा लागतो.
हा लायसन्स तुमचा व्यवसाय कायदेशीर बनवतो.
- कमर्शियल व्हेइकल रजिस्ट्रेशन:
तुमची गाडी व्यावसायिक वापरासाठी नोंदणीकृत असणे आवश्यक आहे. यासोबत फिटनेस सर्टिफिकेट देखील आवश्यक आहे.
गाडीचं मॉडिफिकेशन कसं असावं?
– स्वच्छ आणि सुरक्षित किचन सेटअप
– अन्न शिजवण्यासाठी आवश्यक उपकरणं (गॅस स्टोव्ह, फ्रायर इ.)
– पिण्याच्या आणि स्वच्छतेच्या पाण्याची सोय
– अन्न साठवण्यासाठी हायजिनची पूर्तता करणारी साधनं
इतर महत्त्वाचे मुद्दे:
– FSSAI च्या सर्व सुरक्षा निकषांचे पालन करणे ग्राहकांचा विश्वास जिंकण्यासाठी आवश्यक आहे.
– ठिकाणाची निवड आणि ग्राहकांची मागणी लक्षात घेऊन तुमचा फूड वॅन चालवा.
– सोशल मीडियावर प्रमोशन आणि ऑनलाईन ऑर्डर सिस्टम लावल्यास व्यवसाय अधिक वेगाने वाढू शकतो.
फूड वॅन व्यवसाय हा कमी भांडवलीत सुरू करता येणारा, पण नियोजनपूर्वक केल्यास मोठा नफा देणारा उपक्रम आहे. योग्य परवानग्या, सुरक्षितता आणि चवदार खाद्यपदार्थ यांचा मेळ घालून तुम्ही यशस्वी उद्योजक बनू शकता!
