मालाड:मढ कोळीवाड्यातील हेमदीप हरिश्चंद्र टिपरी यांच्या IND-MH-2-MM-5251 तिसाई या मासेमारी नौकेला २८ डिसेंबर २०२४ रोजी मध्यरात्री समुद्रात ZAU CHENG XIN ZHOO या मालवाहू जहाजाने धडक दिली. कोळीवाड्यातील *स्वप्निल कोळी* यांनी या घटनेचा मागोवा घेत जहाजाची ओळख पटवली. सदर जहाज *ANHUI XINZHOU SHIPPING* कंपनीचे असून, या दुर्घटनेत नौकेचे मोठे नुकसान झाले.

*मत्स्यव्यवसाय उपायुक्त राजू भार्दुले*, *MMKS सरचिटणीस किरण कोळी*, आणि *नौकाधारक हेमदीप टिपरी* यांच्या उपस्थितीत झालेल्या बैठकीत कंपनीने नुकसान भरपाई म्हणून ₹18.55 लाख देण्यास सहमती दर्शवली. *राज्य मत्स्यव्यवसाय मंत्री मा. नितेश नारायण राणे* यांच्या हस्ते ही भरपाई देण्यात येणार आहे.

या प्रकरणात *केंद्रीय मंत्री पियुष गोयल*, *आमदार असलम शेख*, *माजी नगरसेविका संगीता सुतार*, आणि *MMKS अध्यक्ष लिओ कोलासो* यांचा मोलाचा सहभाग होता. याशिवाय *मत्स्यव्यवसाय आयुक्त अतुल पाटणे* आणि संबंधित अधिकारी, तसेच *कोस्ट गार्ड* व स्थानिक पोलिस प्रशासन यांनीही महत्त्वपूर्ण योगदान दिले.

टिपरे परिवाराने या सहकार्याबद्दल सर्वांचे आभार मानले असून,  जागृत महाराष्ट्र न्यूज चे संपादक अमोल भालेराव यांचे ही आभार व्यक्त केले.